هل نلوموا الشباب ... والرجال الاكبر منهم احرف منهم
بصراحه زي ما نعرفوا فيه كتير من الشباب ايعاكسوا بس لاحظت انه نسبة معاكست الشباب للبنات قلت وانقولوا الحمد لله بس الكارثه انه الرجاله الكبار ابدوا هما اللي ايعاكسوا وايضايقوا في البنات بكتره فيه حتى شيابين يعني مش راجل كبير شويه تلقاه شباني وامداير حاله في المعاكسات
وين شيابين زمان وين عقلهم الرزين
والنتيجه واللي ريته انه هما السبب الحقيقي لضياع اغلب البنات
بصدق هما اللي زادوا في الخراب زادوا في المشكله الكبيره اللي صايره للبنات
يعني لما انشوف شاب ايعاكس مانلوماش مرات الشباب يعاكسوا بس ما يديروش في الهبال اللي ايديروا فيه الشيابين
شني اللي صارلهم شني اللي صار للناس
للأسف ضاعوا الشيابين وضيعوا معاهم البنات
مصيبه كبيره صابت مجتمعنا ومش عارفين شني السبب الرئيسي وشني الحل ؟؟؟
صح كلامي ولا شن قوله بصراحة
تحياتي للجميع .....