الرئيسية
انا اسف على طول الابيات ولكن ضرورى اتكون كامله وهى للشاعر عبدالسلام بوجلاوى
نلقانى صريع الغلا من اولها .. ونقول ياالخلاص خلص وحلها
*-*-*
نلقاها ان وين عالعين بنتى .. قلبى سكنتى .. ملكتى مراعيه فيهن مكنتى
من غير شيرته فى قراره وطنتى .. وهو كان جلها .. لها زمان مانزل نزل نزلها
احسن بك انتى ليش مابه احسنتى .. حكايتك هللها ..
بان بفشلها
نجيب لك متلها .. حكاية حسن فى مناويل بلها
ان ماعناى شلتيه والعين عنتى .. على ماشغلها .. الله يسامحك سامحى فى زللها
ولايلومها يوم لوام وانتى .. بديتى سبلها ..
بنشلة رجلها .. اللى للركب غارقة فى وحلها
ولانك سبب تو لاقبل كنتى .. لها فى خللها .. حتى ان طينة الياس زدتى بللها
ولكن العين تحسبك كان خنتى .. بضيعة املها .. القشة اللى قسمت غارب جملها
*-*-*
نلقاها انها فيك باطل عزاها .. سقايك لواها ..
وقصر معاها .. عينى اللى ذابلة من ضماها
هاوالها كى قناته ملاها .. وتانى خذلها .. كفاها وماضاق ماها اولها
*-*-*
نلقاها خاطرى ملقى لك ضديد .. جمالك فريد ..
وعزمك شديد ..
وقلبك حديد .. عنيدة ونا زاد طبعى عنيد
ولا واحتى كل خاطم اتفيد .. ان حادف نخلها .. ماحجارته تمر ينزل بدلها
ارقى لها بلا مطاوحة من بعيد .. توازى افضلها .. بيدك ان سال دمها من سللها
ولاتاخذى راى واحد يريد .. افتان افتعلها .. تهدم صروح الغلا بمعولها
معانا التاريخ نفسه يعيد .. يسبب عكلها .. مطيرة الغلا خضر يقسم سبلها
*-*-*
نلقاها انى وين ريتك هويتك .. ونجهل هويتك ..
الا ما عصيتك .. تراجعت قدام قوة سريتك
رخيتك بما تفعلى مانهيتك .. هجومك دقلها ..
تلالى وسهلها ..
وقمة جبلها .. تهاوت هوت فوق سافل اسفلها
تحرير موش تدمير نحساب نيتك .. رخيت لك طولها .. نين ريت تدمير شامل شملها
ومع عداى فى سر حيل خلويتك .. وصلنى عللها .. يسارك نقض مايمنيى فتلها
نلقانك تعزى .. على خاطرى وفيك المعزى معزى
لقيتك عدو لى بيه اتعزى .. روح الوفا فى غدرك قتلها
خطاك بين كم جزو صوبى مجزى .. وقبل غايتى فيك مالى انجزى
نلويه فى مراعيك لاحين جزى .. ولا علمى رسال سرب رسلها
نلقانى على سولتك سلت قزى .. اللى ولده فيه ماشاف عزى
قال لى بعين الشمت والتهزى .. ارتاح حاجتك حط غيرك سدلها
*-*-*
نلقان وين صادرات زولك وصادر .. عزمى اصادر .. مااتقول فى الصوب قارى مصادر
وذودى على ماه وارد وصادر .. لقيت قوتى قوتك ماتصادر
كميت لوعتك ليى عقلى حملها
*-*-*
نلقانى جيت عاالنار حادر .. اغرنى بوادر .. وجنى نوادر
يدلن على كون لك طبع غادر .. نغادر بلا مصافحة فى المغادر
ايدين داسه سمها فى عسلها
*-*-*
نلقانك الخايلة واتخلى .. على من تخلى .. والعاقل تخلى
وبوعدك تخلى .. وبمكرك تخلى .. العامرة خلا والخوالى تملى
وشروطك على من يطيعك تملى .. وتملى وما مالتغلى تملى
ونا النفس مالوقت طايل مللها ..
*-*-*
نلقانى وين قتلك تعالى .. عاد اتعالى .. وتزيدى على خاطر فى التعالى
تعاليت نا زاد وبقيت عالى .. عليك وعلى كل عالى زولها
نلقانى صريع الغلا من اولها .. ونقول ياالخلاص خلص وحلها
*-*-*
نلقاها ان وين عالعين بنتى .. قلبى سكنتى .. ملكتى مراعيه فيهن مكنتى
من غير شيرته فى قراره وطنتى .. وهو كان جلها .. لها زمان مانزل نزل نزلها
احسن بك انتى ليش مابه احسنتى .. حكايتك هللها ..
بان بفشلها
نجيب لك متلها .. حكاية حسن فى مناويل بلها
ان ماعناى شلتيه والعين عنتى .. على ماشغلها .. الله يسامحك سامحى فى زللها
ولايلومها يوم لوام وانتى .. بديتى سبلها ..
بنشلة رجلها .. اللى للركب غارقة فى وحلها
ولانك سبب تو لاقبل كنتى .. لها فى خللها .. حتى ان طينة الياس زدتى بللها
ولكن العين تحسبك كان خنتى .. بضيعة املها .. القشة اللى قسمت غارب جملها
*-*-*
نلقاها انها فيك باطل عزاها .. سقايك لواها ..
وقصر معاها .. عينى اللى ذابلة من ضماها
هاوالها كى قناته ملاها .. وتانى خذلها .. كفاها وماضاق ماها اولها
*-*-*
نلقاها خاطرى ملقى لك ضديد .. جمالك فريد ..
وعزمك شديد ..
وقلبك حديد .. عنيدة ونا زاد طبعى عنيد
ولا واحتى كل خاطم اتفيد .. ان حادف نخلها .. ماحجارته تمر ينزل بدلها
ارقى لها بلا مطاوحة من بعيد .. توازى افضلها .. بيدك ان سال دمها من سللها
ولاتاخذى راى واحد يريد .. افتان افتعلها .. تهدم صروح الغلا بمعولها
معانا التاريخ نفسه يعيد .. يسبب عكلها .. مطيرة الغلا خضر يقسم سبلها
*-*-*
نلقاها انى وين ريتك هويتك .. ونجهل هويتك ..
الا ما عصيتك .. تراجعت قدام قوة سريتك
رخيتك بما تفعلى مانهيتك .. هجومك دقلها ..
تلالى وسهلها ..
وقمة جبلها .. تهاوت هوت فوق سافل اسفلها
تحرير موش تدمير نحساب نيتك .. رخيت لك طولها .. نين ريت تدمير شامل شملها
ومع عداى فى سر حيل خلويتك .. وصلنى عللها .. يسارك نقض مايمنيى فتلها
نلقانك تعزى .. على خاطرى وفيك المعزى معزى
لقيتك عدو لى بيه اتعزى .. روح الوفا فى غدرك قتلها
خطاك بين كم جزو صوبى مجزى .. وقبل غايتى فيك مالى انجزى
نلويه فى مراعيك لاحين جزى .. ولا علمى رسال سرب رسلها
نلقانى على سولتك سلت قزى .. اللى ولده فيه ماشاف عزى
قال لى بعين الشمت والتهزى .. ارتاح حاجتك حط غيرك سدلها
*-*-*
نلقان وين صادرات زولك وصادر .. عزمى اصادر .. مااتقول فى الصوب قارى مصادر
وذودى على ماه وارد وصادر .. لقيت قوتى قوتك ماتصادر
كميت لوعتك ليى عقلى حملها
*-*-*
نلقانى جيت عاالنار حادر .. اغرنى بوادر .. وجنى نوادر
يدلن على كون لك طبع غادر .. نغادر بلا مصافحة فى المغادر
ايدين داسه سمها فى عسلها
*-*-*
نلقانك الخايلة واتخلى .. على من تخلى .. والعاقل تخلى
وبوعدك تخلى .. وبمكرك تخلى .. العامرة خلا والخوالى تملى
وشروطك على من يطيعك تملى .. وتملى وما مالتغلى تملى
ونا النفس مالوقت طايل مللها ..
*-*-*
نلقانى وين قتلك تعالى .. عاد اتعالى .. وتزيدى على خاطر فى التعالى
تعاليت نا زاد وبقيت عالى .. عليك وعلى كل عالى زولها
