هل البنت المحجبه محترمه ام مادا؟

السلام عليكم ورحمة الله وبركاته

هل كلامك مع البنت المتحجبة يختلف بالكلام مع البنت الغير متحجبة

هل تكن احترامك للبنت المتحجبة أكثر من اللي مش متحجبة

هل في اعتقادكم ان البنت اللي مش متحجبة مش محترمة

الحجاب فرض فرضه الله على البنات فلماطا لا يرتدونه ولكن هي في النهاية قناعات يعني كل واحد وقناعته الشخصية

بالنسبة ليا أنا البنت اللي مش متحجبة كويسة مش شرط انها اتكون ما تصلحش وفيه شباب يقول غير هكي أنا توة انشوف فيه من بنات يتستروا بالدين البنات اللي يلبسوا في خمار يعني من برا الله الله ومن داخل يعلم الله

وياريت تتقبلوا رأي بكل رحابة

والله الموضوع حلو
وانا انشوف البنت المحجبة كويسة والغير محجبة نفس الشى
وبنسبة ليا انا متحجبة والحمد الله
وبعدين كل واحد وتفكيرة فى البنت

لالا الحجاب منحكمش منه على البنت ممكن تكون متحجبة ومش محترمة وممكن العكس الحجاب الان أصبح ربما مضهر أو عادة ولا يأخد حقه كامل فى يومنا هذا وللأسف وربك يهدى من خلق

مرحبـــــــــــــــــا

انا معاك يا اللورد فى ان الحجاب بدا موضة اكتر منه فرض ....و عندك الحق فى ان الواحد ما يقدرش يحكم على اخلاق البنت على اساس انها متحجبة و الا لا...

لكن فى نظرى تقعد البنت المتحجبة احسن من ايلى مش متحجبة ...لاحظو معاى الشاب فى العادة يتجرا على معاكسة البنت ايلى طالقة شعرها اكتر من ايلى لابسه حجاب..صح و الا غلط

و فى نظرى انا يا اخت كوين انا الحجاب مافيشى دوة القنعات ما قنعات لانه فرض و الفرض لازم ما يندار اتحبى و لا تكرهى مقتنعة و لا مش مقتنعة....

موضوع حلو تسلمى عليه

كلامك صح يا حورية منورة وصحيتى