منتديات ليبيا

<script type="text/javascript" src="http://widgets.amung.us/tab.js"></script><script type="text/javascript">WAU_tab('40xlaezyzy9o', 'left-middle')</script>
منتديات ليبيا



    طريقة نص بالدحي

    شاطر
    avatar
    الطرابلسي
    المدير العام
    المدير العام

    ذكر
    عدد الرسائل : 1861
    العمر : 40
    Personalized field : 0
    الاوسمة :
    تاريخ التسجيل : 01/04/2008

    طريقة نص بالدحي

    مُساهمة من طرف الطرابلسي في 9/6/2010, 16:15



    السلام عليكم


    من غير مقدمات ومن غير تطويل حبال


    طريقة النص بالدحي

    ................................

    احضار الخبز


    طبعا تفتح هداكا القجر واطلع منه ربع دينار سواء كان نحاس ‘ قروش‘ او ربع صحيح وكان ما عندك

    رقاق اخطم على اول محل وصرفها الخمسة ولا العشرة

    وكان عندك الا راس 20 ولا 50 دينار مش لازم تكمل قراية الموضوع لين تصرفها وبعتالي تعالى اقرى

    انا الرقاق كاثرات

    طبعا يا بتمشي على رجليك للكوشة يا إما بتوقف حد على رحمة الوالدين كان مازال في منها

    او كان عندك بشكليط احسن واحسن منها تتريض على الصبح

    انا الحق نعطي في الربع لواحد من الصغار ونقوله رجليك في غمرك جيب 5 فرادي وكان عندهم بنينة احسن

    واحسن .. ايد فيها الربع وايد فيها القفة ... يا حسرة على القفة

    .........

    بعد وصول الخبز الى المنزل رجلك وعلى المطبخ طول

    .........

    طبعا انت مخنس من الاول في دحي في الحوش كنهادى نفس قصة الخبزة بتعطيه فلوس ولا بتمشي

    براكة الدجاج تنحي منهم دحيات كان ما رفعوهم قبلك

    او تبعت واحد من الصغار لحوش الجيران وتعلمه شن يقول .. ( تسلم عليك امي وقتلك عندك زوز دحيات )

    ........

    تفتح الثلاجة وتوازي اكبر واظرف دحيات وتسكر الثلاجة بكل هدوء وسلاسة

    تفتح الشيشمة وتغسلهم كويس هادوكا الدحيات وتفتح الدولاب واطلع طاسة خاصة بالدحي ولا صونية

    وتسكر الدولاب بكل هدوء وسلاسة

    وتكسر الدحيات فيها وتفتح القجر اطلع ملعقة ولا كاشيك ولا مضرب حسب الموجود عندك وتسكره

    اهم شئ ما تفتح شئ وتنساه مفتوح

    بعد ماكسرت الدحيات في الصونية تاخد المملحة لو عارف مكانها وين وكان مش عارف تمشي جنب الكوشة معروف ديما محطوطات السكريات غادي

    اول سكرية فيها زي التراب لونه ابيض معاناها وصلت للمطلوب والافضل ادوق منه لانه مرات يطلع سكر

    ويريح الفطور

    وتاكلها في زلاختك وتقعد حببي

    ترش الملح في الصونية الي فيها دحي رشة او رشتين اهم شئ ما تكثر من الملح

    وتضربهم مع بعض كويس لين يولو مزيج واحد

    وتحطها على جنب

    اطلع الخبزة من القفة ولا الكيس ولا الشكارة كله زي بعضه

    وتفتح القجر واطلع موس وتقص الخبزة من ناحية الجنب جنب اليمين او اليسار

    انا نفتح فيها من الجنب اليمين وتنحي منها الوسط وهو عبارة عن عجينة بيضاء داخل الخبز تكون

    على الاغلب غير ناضجة

    وما تنساش تسكر القجر بكل هدوء وسلاسة

    تفتح الثلاجة واطلع منها الهريسة وانت عارف وين داسها حتى ما يفطن ليها ياجوج وماجوج الي في الحوش واطلع الجبنة من الدرج الخفي

    طبعا داس طروف جبنة شرائح وجبنة مثلثات ‘ فرمدجينو ‘ الي نبوه جبنة الشرائح اطلع طرفين

    وترجع كل شئ في مكانه حتى ما يورقله حد

    وتسكر الثلاجة طبعا بكل هدوء وسلاسة

    طبعا تغسل الكاشيك تفتح الشيشمة وتطلي الكاشيك بالصابون وتغسله من ضرب الدحي

    وتفتح الهريسة والاحلى لو كانت هريسة حوش او متع المعمورة وكان تونسية انساها

    تدهن الخبزة بالهريسة ذهابا وايابا تحتى تولى حمراء كلها طرف الخبزة والي ما يحبش

    الهريسة يقدر ما يكثرش يدير طشة وتمت العملية

    وتفتح الجبنة وتنحي الغطاء متعها وتطرحها في الخبزة فوق الهريسة

    وما تنسى تلوح غلاف الجبنة

    .................

    طريقة قي الدحي

    ..................

    بعد ما ضربنا الدحيات ورشينا عليهم ملح وضربناهم كويس واصبحوا مزيج واحد


    نفتحوا القجر ونطلعو الطاوة او الطاجين ‘‘ عييت من تسكير الدواليب والقجورة ...

    المهم تسكر اي شئ فتحته بكل هدوء وسلاسة ..


    نفخوهم الدواليب تفتح الدولاب وتسكره ....عرس بلا طبيلة ..... المهم تفتحه واطلع شيشة الزيت

    وكان عندك زيت زيتون مازال احلى واطيب وتجيك بنينة

    انا عندي زيت عادي تفتح الغطاء متعها وتصب شوية قطرات في الطاوة الي بتقلي فيها

    وتسكرها وترجعها مكانها بعد ما تسكر الدولاب بكل سهولة وسلاسة وهدوء

    وتمشي للغاز وتولعه .... الغاز انواع في داتي الاشعال وفي لازم ادور على الولاعة ... يا حسرة على الوقيد

    انا صقع عليكم ذاتي الاشعال

    بعد ما تولعه تحط الطاوة على النار وتخليها شوية لين تحس سخن الزيت

    وتصب الدحي الي ضربته قبل وتخليها شوية

    وتمشي تغسل الصونية تطليها بالصابون وتفتح الشيشمة و تمصمصها بالمية وتردها مكانها

    وما تنسى تسكر الشيشمة كويس ما تخليهاش تقطر

    بعد ما سخن الزيت وحطينا الدحى الي ضربناه ورشينا عليه ملح وضربناه بعدها

    وحطيناه في الطاوة ومشينا غسلنا الصونية

    نلقو ان الدحيات ولو زي قرص الشمس اصفر

    نحاولة نقلبوه للجيهة التانية بواسطة الكاشيك واصلا تبي فنيات تخليها دورة وحدة من غير ما تنكسر منك القرص الدائري

    بعد ما قلبناها نخلوها شوية ثواني لين نتاكدوا انها طابت واستون من الجيهتين

    نسكر النار عليها وما ننسوا نسكرو مقبض الغاز كويس ونخلي الغاز يتسرب

    طبعا نقسموها على نص دائري ونحطوها في الخبزة فوق جبنة الشرائح وهيا سخونة

    النص الاول وبعدين النص التاني نحطوه بالشوية

    ونسكر طرف الخبزة عليها حتى ادوب جبنة الشرائح من سخونة الدحيات

    ونمشي نفتح الشيشمة ونطلي الطاوة بالمية والصابون ونغسلها ونسكر الشيشمة ونرجع كل شئ في مكانه

    ونمشي بكل هدوء تاكل النص بالدحي

    وصحة صحة

    طبعا لو عندك شاهي هادى يبي موضوع بروحه

    لاني عييت من فتح القجورة وتسكريهم


    هيا في امان الله

    ما تنساش ترد على الموضوع وتسكره بكل هدوء وسلاسة


    من تخربيشي


      الوقت/التاريخ الآن هو 21/9/2017, 08:25